යාපනය විශ්වවිද්‍යාලයේ කඩා දැමූ යුද ස්මාරකය ‘යළි හදන්න’ උප කුලපතිම මුල්ගල තබයි

Sri Lanka

යාපනය විශ්වවිද්‍යාලයේ යුද සැමරුම් ස්මාරකය කඩා ඉවත් කිරීමට විරෝධය පා සරසවි සිසුන් පිරිසක් විසින් ආරම්භ කොට තිබූ මාරාන්තික උපවසාය විශ්වවිද්‍යාල උපකුලපති එස්. ශ්‍රී සත්ගුණරාජා මහතාගේ සාකච්ඡාවකින් අනතුරුව අද (11) උදෑසන අවසන් කිරීමට පියවර ගෙන ඇත.

ඒ අනුව අද (11) අලුයම උපකුලපති ශ්‍රී සත්ගුණරාජා මහතා විසින් මාරාන්තික උපවසායේ නිරත සිසුන් පිරිස හමු වී යුද ස්මාරකය කඩා ඉවත් කරන ලද ස්ථානයේ නැවත ස්මාරකයක් ඉදිකිර දෙන බවට පොරොන්දු වෙන බවට සිදුකරන ලද සාකච්ඡාවකින් අනතුරුව මෙසේ මාරාන්තික උපවාසය අවසන් කිරීමට සිසුන් විසින් පියවර ගෙන තිබුණි.

මේ අනුව උපකුලපති ශ්‍රී සත්ගුණරාජා මහතාගේ ප්‍රධානත්වයෙන් සරසවි සිසුන් පිරිසක් විසින් කඩාදැමුනු යුද ස්මාරකය ස්ථානයටම ගොස් එම ස්ථානයේදීම නව සැමරුම් ස්මාරකයක් වෙනුවෙන් මුල්ගල තැබීමද විශේෂත්වයකි.

කඩා දැමුනු යුද ස්මාරකය නැවත සාදාදෙන ලෙස ඉල්ලා සිසුන් විසින් ආරම්භ කරන ලද මාරාන්තික උපවසායේ නිරත සිසුන් ඊයේ රාත්‍රීෙය් කිසියම් අසනීප තත්වයක් ඇතිවීමත් සමග යාපනය රෝහලේ වෛද්‍ය කණ්ඩායමක් උපවසාය තිබූ ස්ථානයට පැමිණ වෛද්‍ය ප්‍රතිකාරද ලබා දෙනු ලැබීය.

අනතුරුව අද (11) අලුයම් කාලයේදී යාපනය විශ්වවිද්‍යාලයේ උපකුලපති ශ්‍රී සද්ගුණරාජා මහතාගේ ප්‍රධානත්වයෙන් උපවාසයේ නිරත සිසුන්ට කැඳ කෝප්පයක් ලබා දීමෙන් පසුව සිසුන් විසින් උපවසාය අත්හරින ලදි.

කෙසේ වෙතත් අද (11) දින මුල්ගල තැබුනු ස්මාරකය ඉදිරියේදී සාමයේ කුලුණ ලෙසින් හැඳින්වීමට නියමිත බවට යාපනය විශ්වවිද්‍යාල අභ්‍යන්තර ආරංචි මාර්ග වැඩිදුරටත් පවසා සිටියි.