කාදිනල් හිමිපාණන් 2021 වසරේ නොබෙල් සාම ත්‍යාගයට නම් කරයි

Featured Sri Lanka

නෝර්වේ හි වාසය කරන ඛනිජ තෙල් විද්‍යාඥයකු වන ආචාර්ය අමර රණවීර මහතා විසින් නොබෙල් සාම ත්‍යාගය සඳහා කොළඹ අගරදගුරු අති උතුම් මැල්කම් කාදිනල් රංජිත් හිමිපාණන් දෙවන වරටත් නම් කර තිබෙන බව වාර්තා වෙයි.

“මම මැල්කම් කාදිනල් රංජිත් හිමිපාණන්ගේ නම යෝජනා කර ඇත්තෙමි. මක්නිසාද යත්, ආගමේ නාමයෙන් ඝාතනය කරන උන්මත්තකයන් වැළැක්වීමට අප කිසිවක් නොකරන්නේ නම්, එය අහිංසක, යුද්ධ, ගැටුම් සහ සරණාගතයින් සමූහ වශයෙන් ඝාතනය කිරීමට හේතුව වනු ඇත” යැයි ආචාර්ය අමර රණවීර මහතා පැවසූ බව ‘Daily Mirror’ පුවත්පත වාර්තා කර තිබේ.

2019 වසරේ සිදු වූ පාස්කු ඉරුදින ත්‍රස්ත ප්‍රහාරයෙන් පසුව මෙරට ලේ වැගිරීම තවදුරටත් වැලැක්වීමට සහ සාමය පවත්වාගෙන යාම සඳහා කාදිනල් හිමිපාණන් ලබාදුන් දායකත්වය හේතුවෙන් මෙම යෝජනාව ඉදිරිපත් කළ බව ඔහු වැඩිදුරටත් පවසයි.