ප්‍රිසවරන්ස් රෝවර් යානය අඟහරු මතට

Featured World

නාසා ආයතනය විසින් අඟහරු වෙත යවන ලද ප්‍රිසවරන්ස් රෝවර් යානය අද (19) අලුයම අඟහරු මතට සාර්ථක ලෙස පතිත කර තිබේ.

අඟහරුගේ සමකයට ආසන්න ජෙසෙරෝ නමින් හඳුන්වන ගැඹුරු ආවාටයකට එම යානය ගොඩ බැස්වූ බව ඇමරිකානු බලධාරීහු පවසති.

යානය 2020 වසරේ ජූලි 30 වනදා අඟහරු බලා ගමන් ඇරඹීය. රෝද 6කින් සමන්විත මෙම රෝවරය ඉදිරි වසර 6ක කාලය තුළ අඟහරු පෘෂ්ඨය මත කැණීම් සිදුකරමින් තොරතුරු ලබාදීමට නියමිත බව ද ඔවුහු පවසති. අඟහරු මත ජීවය පැවතියාද යන්නට සාක්ෂි සොයාගැනීමද මෙහෙයුමේ ප්‍රධාන අරමුණකි.

එම යානය අති නවීන ගවේෂණ උපකරණවලින් සමන්විත වන අතර කැමරා 20ක් මයික්‍රෆෝන දෙකක් හා ඩ්රෝන යානයක් සහිතය.